الفصل الثالث من رواية مهمة سرية

الفصل الثالث من رواية مهمة سرية

    الفصل الثالث من رواية مهمة سرية

    رواية مهمات سرية الفصل الثالث الجزء الأول


    لهجة الرواية: ليبية

    رواية من روايات لوزة الليبية
    هيا بنا لقراءة الفصل الثالث معاً:

    علي - اهو حسه جي الBoss
    هيثم - كيف عرفت
    علي - باب الصالة انفتح .....
    إلياس - السلامووو عليكم ... عارف عطلت عليكم ....
    علي - الطيب فيك جيت ياBoss
    هيثم - لين عيينا من لعب بلاستيشن
    رامي - وبغبنا من شرب القهاوي
    #طبعا ماعرفتكمش بشخصيات كويس😁 لانه كنتوا مفتكرينه مجرم🔪 هههه مسكين ظلمتوه الراجل😄 #
    إلياس - اااااخ خلوني نقعمز وفكوني من تنفريييزكم
    *إلياس مواليد 84 .. شغله الشاغل كان بدي قارد للوزير التركي ... وكان سيكيروتي واشراف ع طاقم حراسة كامل ... طويل وعريض وسيم ....متحصل على ميدالية ذهبية لرفع الاثقال من اليونان ... الحزام الاسود ف التكواندو ... ميدالية فضية لكمال الاجسام ...كان مستقر ف تركيا لمدة 12 العام ... ملقب بالهنقر عند جماعة الكابو و بالBoss بين جماعته الثانية*
    سعد - اووو الBoss جي يا مرحب مرحب
    *سعد مواليد 88 صاحب رامي .... سباح ماهر وايحب المغامرات واي شي جديد *
    إلياس - سعد حتى انت اهنا اااخ يارراااسي
    علي - صنتك حشيش ياراجل 😳
    *علي صاحب إلياس راس ... كان يشتغل استخبارات في النظام السابق ... وحاليا عنده صالة رياضية *
    هيثم - نشم من بكري وانكدب ف خشمي
    *هيثم مواليد 84 يشتغل ف محل تركيب اجهزة انذار ... ويتمرن ف الصالة بصفة مستمرة ... يعشق الاسلحة عشق *
    إلياس - بانادول بالله عليكم ... ورامي اعطيني قهوة
    رامي - اوكين دقيقة
    *رامي مواليد 89 ابن بالتبني لرجل ثري ... تم ابعاده من الورث لما توفى بوه وعمامه حرموه من كل شي ... رياضي وايحب رياضة الجري *
    علي - اياح حسه رسمي خش عالحشيش والسكير
    إلياس - طفي الضي ياسعد عيوني يزغللوا
    هيثم - مش صاحي حسه 😵 ...
    علي - معقولة متعاطي😱 ...
    رامي - من حادى قوما اربعين يوما صار مثلهم 😣
    سعد - لالا مايديرهاش معقولة😳 !
    إلياس بنبرة حادة - تسكتووووو اسكتووووو !😠.... وانتو زي النسون واحد يضرب وواحد ايلقي طفونا الضي البلي القوي اهواه
    علي - 😳
    سعد - اهو طفيناه اقعدوا ف الظلام كلكم هي
    اتكى إلياس عالكنبة وقال - اخخخ ... ساعتين وهما ايدخنوا ف الحشيش بحداي عمرولي راسي ... ولى رزين وعيوني بيطلعوا من الضي مش عارف حتى كيف سقت ووصلت اهنا
    علي - باهي والنبي كيف يحششوا بحداك وانت ماتشفطش معاهم
    إلياس - ندير ف روحي اندخن وهما مدروخين مايزبطوش فيا
    رامي - والسكير كيف داير معاه
    إلياس - داير شيشة اميا حاط فيه شوية عصير لوز يحسابوها بوخة... انا نشرب ونتلدد وندير ف روحي ندعدع وبرا
    علي - ههههههه قوية اهياه
    هيثم - مفروض غنيتهم اغنية خلوني نسكر وانزيد
    سعد - هههههه
    إلياس - نغنيلهم الصبر يزرطوا ف حبوب اللي يقولي نشوف فيفي عبدو ترقص واللي يقول نشوف ف جنون
    علي - ههههه اول امرة تسكر معاهم؟
    إلياس - ايه ...... اااااي راااسي قبل الكابو مايقوليش تعال ....باهي اللي مداير احتياطي الشيشة هادي كان هدا راحت ليل
    علي - باهي مليح بكل
    رامي - هاك القهوة والبانادول...
    إلياس - منور .... صارت هلبا حاجات اليوم ...
    علي - احكي
    إلياس - *حكي بتفصيل شن صار من لما البنت جت*
    هيثم - اوووف
    سعد - جهاز تنسط !
    علي - ع شركة الميار وشركة الديار
    إلياس - bingo ... وهدا شن معناه
    رامي - معناها حنقدروا نسمعوا جميع المكالمات اللي ادور حول الخطف
    إلياس - يس وبهكي يسهل علينا الموضوع
    علي - وبدل ماكان نسبة نجاح العمليات من الخطف 2 من 10
    إلياس - بالزبط يزيد النسبة لانقاذ الى سبعة من عشرة ...
    هيثم - ويبدوا عندنا مصدرين للمعلومات
    سعد - الكابو ومن الجهاز
    رامي - حلووو .... اعجبني ...
    علي - والشنطة وين تو
    إلياس ارتشف القهوة وقال - عندي
    رامي - والبنت ؟
    إلياس - حابسها عندي ... تحسابني مجرم وقاتل
    هيثم - مشكلة كان بترخيها بتقول
    إلياس - ايه تو ندبرلها صرفة
    سعد - ايه وخلينا ف الشنطة الجهاز التنسط ... كيف شكله مواصفاته ؟
    إلياس - الحق مانعرفش فيهم الحاجات هادي ... تبي مهندس تقنية معلومات والجو هدا والا مهندس صيانة كمبيوتر المهم حد يفهم فيهم
    رامي - عندي صاحبي 👌 راسه خطير ف الحاجات هادي
    هيثم - بالك مش ثقة
    سعد - ويفضح بينا ونكشفوا
    علي - وننقتلوا
    رامي - لالا اطمنوا ثقة
    إلياس - مخطوفله حد من قبا
    رامي - ايه ... ولد خوه وقتلوه
    إلياس - باهي كويس تو وقت نتمكن من اني انجيب الجهاز اهنا كلمه بش ايجي
    رامي - تم ...
    علي - وين امها البنت ؟؟ اللي ف الفيلا
    إلياس - جايتها غيبوبة سكر يادوب انا حطيتها ف المستشفى ورجعت لقبت بنتها ف وجهي ....
    سعد - ربي يشفيها ...

    #######

    #######
    إلياس - اي المهم .... خطفنا دكتور اليوم اسمه عوض ... لحساب مجموعة ملقبة بالحوتة .... مكانهم منطقة كدا ... حد منكم يعرفها المجموعة هادي ؟؟؟
    الكل - لا ...
    إلياس - اللي لاحظته انهم مافيش هلبا حراسة برا .... لكن مانعرفش كم فيه شخص داخل ... فلهذا ... سعد راقبهم الليلة ...
    علي - وكان قتلوا الراجل
    إلياس - ف الشك .. اكيدة يبوا يوجعوه ويطلبوا فدية ...
    سعد - تم حنمشي
    إلياس - وغدوة ان شاء الله القايلة ندهموا ....
    هيثم - من امتى ندهموا ف وضح النهار
    إلياس - لسببين الاول المنطقة خالية مافيش الا الحوش اهواه يعني حتى دهمنا ف النهار عادي ... وثانيآ نتوقع الكابو غدوة يقولي تعال اسهر ... فامش حنسقم ف الليل
    علي - ههههه تعودت ع ريحة الحشيش حسك
    إلياس - 😬
    علي - هههه قولي لبسنا ف النهار بيبان اننا فرقة ؟
    إلياس - حنلبسوا قامجو ازرق فوق لبستنا سعد برا راقب زي ماقتلك
    سعد - ان شاء الله
    إلياس - وهي ..... سلامات بنروح تو ...
    *طلع الياس وروح للفيلا .... خدي دوش وصلى المغرب والعشي وقعمز لتلفزيون يتفرج .... *
    (نسيتها الدعوة اكيدة جاعت ... خلي نعطيها خبزة وجبنة وحكة عصير ... كلت باهي ماكلتش اجعنها ماكلت ... زعما لو خليتها ف حالها تسكت وماتقولش ؟؟؟ لكن شن ضمني ... مرات اتقول لواحدة من صاحباتها وتأمنها ع سر وصاحبتها اتقول .... هدا من غير ان الكابو مرات يلقاها وتقوله كل شي عليا ... قصة والله قصة .... لكن منين بيعرف الكابو ان هيا هادي نفسها ... ياودي لا وين نندري مرات اللي كانوا مع عوني يزبطوها ويشدوها وانضر روحي... خليها هكي محبوسة ... خلي نرفعلها الماكلة والميا توا وبعدين ساهل )
    {الله لا يسامحك يالياس .... ياناري اميمتي اكيدة ادور عليا ... اااه ااه علاش حظي هكي ... منين بنلقاها كل فترة من حياتي كانت متشردة ... خصوصا الفترة اهياه ..... الله يسامحك يمة علاش تخدمي ف الحياش علاش .... اهو طحت عند شخص مجرم ... اناني ... عليم الله شن يدير فيا يقتلني والا يخليني محبوسة اهنا طول العمر لكن لو بيقتلني راهو قتلني وقتي ...علاش مخليني لتوا ... اكيدة ماعمراش قتل بنت ... ووووه حسه جي الصبر ياربي الصبر }
    إلياس - راك ترقدي وانتي اتعسعسي
    *مي ساكتة ماتبيش اترد *
    إلياس - اجعنك مادويتي .... جبتلك ماكلة كان بتاكلي وتشربي
    مي - انت مش قادر تقتلني ... مش قادر تقتل بنت والاه ...اعترف عادي
    إلياس - وشن خلاك تتوصلي لهنظرية
    مي - كانك بتقتلني راك قتلتني من بكري
    إلياس - مرات هكي بنخليك يومين زيادة نلعب بيك شوية بعدين نقتلك 😏
    *خافت مي من كلمته وسكتت حتى كلمة ....
    إلياس - معش تستفزيني باهي ...
    *وهنا هزت راسها مي اوكي وبدون ماضيف كلمة قعدت تشبحله وبس .... خلاها ومشي وسكر الباب وركب لداره اتكى ع سريره ....غمض عيونه وكيف بياخده النوم جت قدامه ذكرى تراوده كل ليلة .... اتقلب يمين يسار..
    (استغفر الله العلي العظيم ... الله يسامحك يمة ...الله يسامحك)
    فتح الدرج خدي حبتين اكتيفيد وغم راسه بالمخدة واتمكن انه يرقد ..



    يوم الاربعاء .. الساعة الحادية عشر .. مصرف الجمهورية ... طابور النساء ..
    عاد عارفين الطوابير ... لوقني تحت الشمس لين تفرج ويجيبوا السيولة😞
    حليمة - والله حالة البلاد هادي راحت فوضى ... امس خاطفين برفيسور باطنة
    سميرة -ياناري شن السبب طالبين عليه فدية والا شنو ..؟
    حليمة - والله ماعارفة الحق ...
    مريم - يالطيف وخلاص بدوا ايخوفوا ... حتى انا سلفي نهاية العام اللي فات خطفوله ولده
    سميرة - اللطف شنو بالك عنده فليسات والا عنده ورث
    مريم - والله لا مسكين يادوب عنده صالة رياضية متع حديد
    حليمة - اسمه وجدي ؟؟؟
    مريم - لالا علي ✔
    حليمة - اه امالا مش نفس القصة ... به كملي
    مريم - ايه المهم ياناري باع كل الالات وماخلوا ماباعو هوا ومرته حتى اتاث حوشهم
    سميرة - ياناري
    مريم - وكان انقولك ومازال ماحصلش حق الفدية
    حليمة - قداش طالبين عليه امالا
    مريم - مليوون
    سميرة - لاحول ولا قوة الا بالله
    مراة تانية - يامينتي والله وجعني.. وبه كيف دار
    مريم - قعد يلود ع عيلته اتسلف وادين وامه باعت ذهبها ومرته باعت ذهبها وخواته كلهم باعو ذهوبتهم ونسايبه يمدوله ف الفلوس وصاحبه وقف معاه وقفة الصح
    حليمة - شن دار
    مريم - عطاه قريب 25000 الف بش انتلم المبلغ وبش مشي مد الفلوس وردوله ولده
    حليمة - شوفي الصحاب بالله
    مريم - لتوا قاعد يحلف براس صاحبه مايحنث
    سميرة - حالة هالبلاد استغولوا ياودي
    حليمة - حااالة... الفترة اللي فاتت جرانة زوز ولاد يتامى لا ام ولا بو
    سميرة - كبار والا صغار
    حليمة - الكبير يخدم عمره ف جو تلاتينات وتاني اللي انخطف في الثانوي
    سميرة - شن عندهم فلوس والا شن
    حليمة - لا ياناري عندهم حوشهم كبير بس يحسابوهم متع فلوس ... والولد الكبير خدمته عادية يشتغل ف محل متع تركيب اجهزة انذار وهكي ايطقطق ع راسه
    مريم - وشن صار بعدين
    حليمة - ليل مع نهار ياناري ايدور وماخلى وين بلغ ف النهاية لقاه مقتول وملوح عالبحر جسمه كله مستزرق من التعذيب😭
    سميرة - وووووه عليا وجعني
    حليمة - يتيم ياناري قاعد صغير قتلوه وخوه ف عزاه يبكي زي الولية ف الشارع.... اميمته قبل ماتموت موصياته عليه قتله ياهيثم رد بالك ع خوك وسيفا
    مريم - والله خنقتني العبرة
    حليمة - امالا انا والله بكيت ف عزاه لين قلت ياااسر ولد زي النسمة والناس كلها اتحبه مشي ياناري فطيس
    سميرة - انا خالي ياناري المدة اللي فاتت مجموعة مسلحة اتلحق فيه من جيهة لجيهة كله كله ع خاطر سيارته عالية
    مريم - هوا والله ما وقتهم السيارات العالية تو
    حليمة - ايه
    سميرة - سكروا عليه الطريق ونزلوه وضربوا عليه رصاص
    مريم - مات ؟؟؟
    سميرة - ايه وقتي ...
    حليمة - لا اله الا الله ...
    مريم - محمد رسول الله ... عنده صغار او
    سميرة - ولد واحد متبنيه عمره ف نص العشرينات هكي ... اسمه رامي اكيدة سمعتوا بيه عالفيس منزل شعر ف بوه
    حليمة - ايه ايه تقريبا مرة سمعت بيه ..شن يخدم والا لا
    سميرة - يخدم كهربائي ومرة مرة يصنع ف حاجات هكي الالات وجو هدا
    مريم - ربي ايعاونه ...
    سميرة - وبعد مامات بوه عمامه لزوه من الحوش وباعوه وقسموا
    نورية - خزيه عليهم ....لكن باهي هدا ولده مش من لحمه ودمه وحاس بيه هكي ويكتب فيه اشعار امالا كان تسمعوا
    حليمة - ها شنو
    سميرة - قولي
    نورية - المدة اللي فاتت راجل ياناري انخطف كبير ف السن ... المهم عنده ولده عايش برا ليه سنين ...
    حليمة - به
    نورية - اي المهم امه اتكلم فيه اتقوله بوك انخطف روح وهوا شي ماكر ماباش ايروح
    سميرة - اللطف
    مريم - معقولة
    نورية - بكل قال عندي عمل ومانقدرش نقطعه ... حتى الفلوس بسيف بش ابعت
    سميرة - وشن صار
    نورية - الفلوس ماوصلوش ف الموعد والخاطفين قتلوا بوه ولوحوه ف الجزيرة
    حليمة - خزيه عليه ولد عاق
    نورية - وتحسابيه ايحس او هه يادوب روح حضر جنازة بوه وسلم ع امه وسافر تاني ف نفس اليوم
    سميرة - قلبه ميت خزيه عليه
    كان ولدي هكي مانبدى الا قاتلاته
    حليمة - امتى صارت هادي
    نورية - السنة اللي فاتت تقريبا لا اللي قبلها
    حليمة - اها ..
    سعاد - يالطيف والله تسمعي قصص اتشيب الراس .... عشتها فترة الخطف رعععب
    حليمة - كنتي مخطوفة انتي
    سعاد - لا زوجي انخطف ... والحمدلله ربي بعتلنا شباب زي الفرح والسعد فكوا اسر زوجي وبهدلوا الخاطفين
    مريم - بجديات ؟؟؟؟
    سعاد - والله بجد يحكيلي فيها راجلي ويعيط قالي حسيتهم زي الرحمة خمسة شباب طول وعرض صلي عالنبي هيبة وقيافة كيف لابسين هكي ومتلتمين وتحركاتهم مدروسة متع مدربين لين قايلين ياسر
    حليمة - اشييه سلامته كبيرة راجلك
    سعاد - لليوم هذا وانا ندعيلهم بالخير سألهم زوجي من انتو ردوا عليه بصوت واحد فرقة انقاذ خاصة
    قالي لين رعشت كيف صوتهم جي مع بعضهم
    مريم -حمدلله ع سلامته رويجلك
    سعاد - الله يسلمك
    مريم - ماتوقعتش عندنا حاجات هكي
    سعاد - ولاد حلال ربي يحفظهم
    <><><><>
    رامي - غمضي عيونك
    ابتسام <حبيبة رامي>- قولي شن فيه
    رامي - غمممضي
    ابتسام - اها غمضت 🙈
    رامي - فتحي هي
    ابتسام - مش معقول انت 😳 هذا البرفان امس كنت ندويلك عليه
    رامي - ايه هوا ياروحي
    ابتسام - بس ليش مكلف ع روحك ياعمري ...
    رامي - مافيش حاجة ف هالدنيا تغلى عليييك
    ابتسام - ياروحي انت ... تسلملي
    رامي - الله يسلمك ...
    ابتسام - شن اخبار الصالة
    رامي - كويسة ... نمشي نتمرن كل يوم وانروح
    ابتسام - حلوو ...
    رامي - استني نوريك صورة ليا ف الصالة وانا انقيم ف الاثقال ....
    ابتسام - اوك
    رامي - اهياه .... شوفي هاه
    ابتسام - ياروووحي هههه لين وجهك مولي احمر
    رامي - شوفي فيه مجموعة صور ... خلينمشي للكفتيرية شن نجيبلك عصير والا نسكافي
    ابتسام - نسكافي
    رامي - تم ...
    ايتسام - ماتعطلش...
    {ياناري رامي ....نخاف نصارحه باللي فبالي يزعل مني ....خايفة نجرحه بجد ... اااااخ اخ كيف بنقولهاله بس كيف احح يلا خلي نشوف تصاويره توا يقولي شفتيهم والا لا ..... اياح عضلات وجو هالرامي ... ههههه ......هذا من؟ مكالمة واردة لياس ... فيه حد يسمي اسم لياس لكن رقمه نازك.... لياس هذا عجبني الاسم يبان اجنبي يتصل ..... }
    رامي - بخ
    ابتسام - ووه خلعتني
    رامي - ههههه عطلت عليك
    ابتسام - لالا ...
    رامي - جبتلك كريب اللي اتحبيه
    ابتسام - تسلملي ..
    رامي - الله يسلمك حبي ... خيرك تباني زعلانة
    ابتسام - اها ولا حاجة... صاحبك اتصل بيك
    رامي - من
    ابتسام - الياس
    رامي - والله ... هاتي تره مش من عادته يتصل ف الصبح ...
    ابتسام - ها امالا امتى يتصل ف الليل
    رامي - الو نعم .... سعد والله مانندري ماكلنميش من امس ... به تو نزيد نتصل بيه ....خلاص تم تو امطق فيه .... اوك سلام
    مطر نمشي توا سومتي ...
    ابتسام - مصرع كيف جيت انت
    رامي - معليش نعوضهالك ياروحي غير مستعجل .... يلا احضري محاضراتك ووروحي اوكي ....يلا سلام ...
    ابتسام - اوك سلامات ....هنادي ... بست ...هنااادي ....... تعالي
    هنادي - ها شنو خيره فيسع مشي
    ابتسام - اتصل بيه صاحبه وقال بنمشي ضروري
    هنادي - اهااا
    ابتسام - عجبني اسكه ورقمه نازك لين حفظته اتصوري
    هنادي - وحفظتي حتى رقمه 😑
    ابتسام - والله بصدفة ياهنادي
    هنادي - انا ف الموضوع هدا كله ماواجعني غير رامي
    ابتسام - شن درت تو هي كلمته انا صاحبه بش اتقولي واجعني رامي
    هنادي - ع اساس مش حتكلميه
    ابتسام - لا مش حنكلمه ... صح بنصارح رامي لكن مش بش نزيد نوجعه ونكلمله صاحبه
    زينة - ع شن تتعاركوا
    هنادي - زودي لست هانم
    زينة - خيرها ...
    هنادي - معجبة ب صاحب رامي وحفظت ختى رقمه
    ابتسام - اشي مصح وجهك ياهنادي
    زينة - اللطف
    ابتسام - مش اعجاب راه تخرط عليك مجرد عجبني الاسم والرقم بس..
    زينة - لكن خيره حتى رامي اسمه حلو هههههه
    ابتسام - لا مش زي لياس
    زينة - اسمه لياس ؟؟؟؟؟
    ابتسام - اي
    زينة - بيكون رامي كاتبه غلط اسمه زي اسم خوي ...إلياس ...اااخ استحشته برغم انه عصبي ... و كان ديمت يهابش فيا ...وينابش فيا الا اني نتمناه ايروح ...
    *خنقتها زينة العبرة ...وصوته بدي معرعج تبي تكتم عبرتها وكملت كلامها - ولو يوم واحد بس انشوفه وبعدها يمشي
    هنادي - قصدك مازال ماروحش هوا
    زينة - لا😟 معش نعرفوا حتى اخباره من سنة 2014 

    يتبع.....

    جميع الحقوق محفوظة للمؤلفة لوزة التابعه لصفحة روايات لوزة الليبية .


    لمتابعة صفحة المؤلفة علي الفيس بوك: من هنا
    ,
    @مرسلة بواسطة
    كاتب ومحرر اخبار اعمل في موقع روايات كوريه متنوعه .

    إرسال تعليق