رواية مهمات سرية الفصل الثامن

رواية مهمات سرية الفصل الثامن

    رواية مهمات سرية الفصل الثامن


    رواية مهمات سرية الفصل الثامن الجزء الأول



    الرواية بلهجة: الليبية

    رواية من روايات لوزة الليبية

    هيا بنا لقراءة الفصل معاً.


    كيف بيطلع سمع تلفونه يأشر مافيشي شحن ... واهنا رجع وخداه وقرب من البريزا اللي بجنب راس مي وسل خيط الشحن بشوية وتلفت بش بيكمل طريقه ... وهوا اتلفت من اهنا...شدتله مي طرف الفوطة تبعه وقالت - استنى ماتمشيش .... خليك معاي 😔
    إلياس - 😳😳😳😳😳😳😳
    (حسها طاحت المنجوهة شبحت عضلاتي ماقدرتش تقاوم ههههاااااي مكنسة حرشة مايطلع منها)
    *لفت إلياس راسه بشوية لجيهة مي .... لقاها مغمضة عيونها وشادة ف الفوطة وتردد ف كلمات نفسهم ....
    مي - حمدي حم مدي ...ماتخلينيش ي يمة كلميه يق يقعد
    (ياسلام حمدي وحالات هههههه شن هالحب المقطع بعضه)
    حط صبعه ع خشمه غير صوته وقالها - حمدي مشي يابنتي خلاص
    مي - م مانبيش نتزوج مجرم
    إلياس - الله غالب تزوجتيه توا خلاص طاح الفاس ف الراس يابنيتي
    مي - مممابيش ل ل لا ممشناه
    إلياس - لالا انتي مكينسة حريشا سلم بنتي وماتستاهليشي لياس
    *ضحك الياس وغم ضحكته حس منظرها مضحك ....نحالها يدها بشوية شدتله يده وضغطت عليها ... للحظات حس بدفى يديها ... او انهم حرارتهم مرتفعة ..... وبدت تهلوس بكلمات مش مفهومة
    (الباين انها ماتحلمش... هادي اتهلوس بحرارتها )
    *فك ايده من ايدها بشوية .... وحط يده ع راسها لقي حرارتها نااار ... وجبهتها متعرقة وتخرتف بكلام مش مفهوم...خدي حاجاته ومشي لبس ف الدار التانية سروال توتة وتيشيرت ومشي ل عيشة ... طقطق مرة واتنين وتلاتة وشي مافاقتش مايسمع غير ف شخيرها طالع لممر
    ( المفروض اتنوض شن هالنوم الثقيل هدا .... خلي نطقطق عليها تاني ........اياح عاد نفتح الباب وخلاص ونغمض عيوني
    إلياس - عيشة ....عيشة .... تي شن هالنوم الرزين هذا ....عيييشةةةة
    بنتك بتموت يادعوة ....
    شن هالهم هذا اللي تحصل فيه دبرله ... شن طريقة تنزل بيها الحرارة .... خلي نتصل ب علي بالك يعرف
    *رجع تاني لدار وخدي تلفون واتصل - ايوه علي .... اسمع شن طريقة تنزل بيها الحرارة ؟؟؟
    علي - شن حرراتك ركبت
    إلياس - لالا غير قول هيا
    علي - دير ليمة مشوية حطها ع راسك ... بردها قبل شوية وحطها
    وعندك طريقة تانية ندير فيها لعبودي ولدي .... شرايح بصل ف شخشير والبسه ايخفض الحرارة مية مية
    الياس - به صحيت سلام
    (هوا واحدة من اتنين يانخليها اتموت يانديرلها الوصفات هادي ... خليها اتموت خير اهو اقلها نفتك منها ومانكونش قتلتها ...لكن بتموت من حرارة ؟؟؟ اي عادي مرات راسها يتفجر من الحرارة .... استغفر الله العلي العظيم البنوت نكره جد عمهم دوشتهم هلبا واللي تحصل فيه دبرله )
    *واهنا قعد واقف إلياس ف الممر ... حاط يد ف وسطه واليد الثانية على ذقنه وايفكر .... واطر وكله اطرار انه يديرلها الوصفات اللي قال عليهم علي .... نزل للمطبخ و دار ليمة مشوية وشرايح بصل وركب تاني .... فتح الدرج وطلع شخشير جديد وحطلها البصلات ف الشخشير وقعد يشوفلها ومش عارف كيف بيقرب منها ..... اتقدم وقعمز ولبسهولها وهيا لازالت اتخترف... حط الليمة ع جبهتها .... ووسالها شعرها المكنكش .. وقعمز عالكرسي قبالتها ويستنى .... ويسمع ف تهلويسها
    - نكرهه انا ...كلب ... حمدي خودني معاك .... امي ... حرام هكي ... محل اهنا ....
    *حط ايده ع ذقنه وقعد يشوفلها .... ويركز ف ملامحها اول مرة يركز فيها بطريقة هادي .... بعد تلث ساعة حط يده ع جبهتها لقي الحرارة بادية تنزل .... سكتت مي من هلوساتها ... فاطلع ومشي لدار الثانية اتكى وخداه النوم ...
    <><><><>
    ساعة 9:00 صباحا
    هنادي - تتسهوكي !
    زينة - والله بجد
    ابتسام - وخيرك امس اون لاين وناقتيلانش على هالخبر
    زينة - منت لاهية نهدرز مع فيصل
    هنادي - امممم باهي لكن تخافي ان فيصل مايكمل بني خلال عام وبعدها بتبدو تدفعوا ايجار
    ابتسام - خودي عاد مع قلة السيولة والشهر اللي خش طلع
    زينة - لالا ان شاء الله ايكمل
    هنادي - وبه بنا انه خواته مقتدرات وبيظفعوا عام مقدم علاش يصرف ع عيلته
    ابتسام - والله حق بش مفروض كلهم يتعاونوا ف مصروف الحوش ويخلوا خوهم يكون نفسه
    زينة - مش مهم هذا كله المهم ان ان انا وفيصل بنكونوا بروحنا
    ابتسام - باهي ياحنة ....
    زينة - ياسين خوي الدراه يتصل
    هنادي - ردي عليه بالك يبيك ف حاجة
    زينة - اففف منه ....الو ..... الووو ....تالووو
    ياسين - هاه هاه ... تلفون يتصل بروحه راه يبردي
    زينة - باهي باي ..... تلفونه اتصل بروحه قال .... شاك فيه يشرب ويحشش
    ابتسام - علاش شكيتي فيه
    زينة - بدي ايروح متاخر عالساعة 3 ومرات ايخش الفجر
    هنادي - حاطو بيه ولاد السو
    زينة - امي قريب اطق على مرواحته متاخر
    ابتسام - كلموا خوالكم والا عمامكم يكلموه
    زينة - امي قالت كان بيدخلوا معناها بيضربوه ... وكان ضربوه بيزيد يتنتور وحيطلع ومعش يرجع ..
    ابتسام - ربي يهدي وخلاص....اهو رامي جي ... ادعولي تجيني الجراة ونقوله ان انا وياك مانصلحوش لزواااج
    هنادي - ياريتك تقوليله حرام عليك الولد يتيم وانتي تلعبي بيه
    ابتسام - نقطيني بسكاتك فرخة هنادي ...هيا باي تو ........... صباحوووو
    رامي - صباحو ورد وعسل
    ابتسام - شن الجوو
    رامي - حلوو بما اني مصتبح بيك
    ابتسام - باهي كويس ....
    رامي - شكلك هكي بتقولي حاجة
    ابتسام - اي نوعا ما
    رامي - باهي قولي
    ابتسام - انا .....
    <><><>
    عيشة - نضتي ...صباح الخير
    مي - خير ....
    عيشة - كيف حالك تو
    مي - خير من امس لكن معدتي مرة مرة تنخص
    عيشة - ماكليتي شي ومابيتيش تاخدي دواك .... تو نوتيلك فطور وبعدها خودي واء
    انتبهت مي لحاجة ف رجليها فقالت -هذا شنو اللي ف رجليا .... شن حاطتيلي يمة ....
    عيشة - ماحطيتلك شي
    مي - تره .....بصلللللل ! حاطتلي بصل ف رجليا
    عيشة - مش انا ياودي
    مي - امالا منو
    عيشة - اكيدة ركبتلك الحرارة وراجلك دارلك هكي بش تنخفش
    *وقع كلمة راجلك كان قوي على مسامع مي وعلى طول قتلها - مني؟؟
    عيشة - لياس عندك راجل غيره انتي؟؟
    اضايقت مي وقتلها -معش اتقولي راجلك
    *ومع جملتها هادي نحت اليرغان وونحت الشخشير ومشت للحمام غسلت رجليها ونادت امها
    عيشة - خيرك
    مي - طلع هداك والا قاعد
    عيشة - نضت لقيته مهناش حسه طلع من الصبح بكري
    مي - به جيبيلي حوايج كان فيه نبي ناخد دوش حاسة روحي ريحتي خايسة بهالبصل
    عيشة - به شاريتلك هلبا حاجات قنينات استني نجيبلك
    <><><><>
    رامي - ايه انتي شنو كملي
    ابتسام - انا انحبك رامي
    رامي - ههههه مشحطتيني ساعة ف كلمة انا انا هههه حتى انا نحبك حبيبتي
    ابتسام - ههههه انمووت فيك ... كيف حال صاحبك
    رامي - اما واحد
    ابتسام - اللي يومها يتصل
    رامي - اها لياس حاله كويس واهو يتصل تاني ههههه انحس فيه يشم فيا كل ماعندي موعد معاك يتصل
    ابتسام - هههه رد رد
    رامي - ايوه نعم .... ف الجامعة امعكس ... هههه لالا مانحكلش قاعد مع المدام ...... ايه كلمته محمد قالي نص ساعة ونكون ف الصالة .... اوكي تمام ... سلام
    ابتسام - اممم ماتقولش بتمشي
    رامي - يعني شوي تانية
    <><><>
    عيشة - شوفي هي ... البسي اهواه والا هدا قنينات ارواب نويزكة
    مي - ايييلا مانيش لابسة هالبس
    عيشة - انتي عروسة شن بتلبسي برايك
    مي - الحاجات اهياه كلها لا ...شن بنلبسهم قدام غريب !
    عيشة - شن غريب ماه قلنا راجلك
    مي - معش اتقولي راجلك .... هاتي اهياه بيجامة على الاقل مستورة شوية
    عيشة - به خودي هي
    مي - ان شاء الله مايجيش توا الدراه الكبد ...المعفن اهواه ....
    ذيب نرجسي مغرور
    عيشة - تبيله للظهر بش ايجي
    مي - ها به ...
    عيشة - استني هاك ... جايبتلك سلة متع عرايس فيها جميع انواع شامبوات الزسم وروايح وعطور
    مي - زسم صار اه ... خوديها انتي يمة بصحة عليك
    عيشة - شدي ... حطيها ف الحمام خلي بصمتك ف كل مكان بش يلقى حاجة متغيرة
    *مع ترقيصة حواجب*
    مي - بالك تحسابيني مهتمة بيه او بشنو يفكر او تحسابي نبي انطيحه او نحبه ....لا راه ارتباطي منه كانت غصب منك ومنه ... واحنا الزوز نكرهوا بعضنا كره اعمى
    عيشة - هه كان تكرهوا بعضكم وصار اللي صار امالا كان تحبوا بعضكم كيف راكم هربتوا ومعش لقيتكم ..
    مي - 😒 وعلاش انحس فيك فرحانة بهجوازة
    عيشة - والله ماكنت فرحانة وكنت منكدة .... لكن لما فكرت فيها قلت خلاص الفاس طاح ف الراس.. نكدي مش حيجيب نتيجة غير ناكلها ف صحيحتي وخلاص
    مي - 😒
    عيشة- بري سلم بنتي بري نحي ريحة هالبصل دوختيلي راسي ...
    اتغايضت مي من كل دوة امها وخشت للحمام وطربقت الباب .... فتحت امها الباب... تلفتتلها مي مصدومة متع كيف تخشي وراي للحمام ... حطتلها السلة في الزاوية وطلعت ...
    <><><>
    علي - ها يبرو .... انت وين محمد ورامي جوا ...
    إلياس - كيف وصلت للفيلا بناخد الشنطة و نجيكم دعس ... ماشي الحال سلام
    عيشة - صباح الخير
    إلياس - صباح النور
    عيشة - مروح بكري اليوم على غير عادة
    إلياس - بناخد حاجة وطالع تاني ... خيرك امس ع قد مانوضتك شي اتقول راقدة ف بير
    عيشة - ههههه نسمع ف صوتك والله نحساب روحي نحلم ... مانفيقش الا لما حد ايهزني من كتافي
    إلياس - اه .... بنتك مرضت امس بالحرارة وتلهوس
    عيشة - ايه ريت اللطف حاطلها بصل رايح كبير كبير ... راك رققته طشة
    إلياس - هه باهي اللي درتلها حل انا ...
    *ركب ف الدروج وخش لدار لقاها فاضية.... فتح دولاب وفتح الخزنة طلع الشنطة ...
    (ياربي لازم نغيرها هالشنطة .... فاش بنحط الجهاز فاش .... اهياه الشنطة كويسة .... خلي ناخد الفلاش حتى هو )
    *رد الياس باقي المحتويات للخزنة ... وسكرها وسكر الدولاب في هالاثناء طلعت مي من الحمام مطبسة راسها تجفف فيه بالفوطة وتتكلم - شنو جي الذيب والا ماجاش ...سحيقة ان شاء الله معاد ايولي .... من بكري انحك ف رجليا صنة البصل غمتني ... مايعرفش يتصرف كان دار كمدات اميا خير بدل هالبصل .... خيرك ساكتة يمة
    *قامت راسها لقت الياس قدامها قارن حواجبه - اصلا شن متوقع منك غير هالكلام ....ماتعرفيش اتقولي بارك الله فيه ... حاجة هكي .... مفروض خليتك انتي وحرارتك وهلوساتك مع السي حمدي
    مي - ماتجيبش حمدي ع لسانك ! والا الغيرة كلت جنابك ومن النوع اللي مانتحملوش زوجتي تتكلم ع شخص ثاني ف حضوري هؤ هؤ هؤ
    *نظرلها نظرة مسمومة وقرب منها
    وانحنى شوية لين وصل لوذنها وهمسلها - انتي ماتعنينيش بأي شكل من الاشكال ... فماتصدقيش نفسك رسمي رسمي انك زوجتي... لو الخيار بيدي مش حنشوفلك حتى ف الخيال لانك ببساطة مش نوعي😉 ...
    *حست مي نفسها صغيرة بهالكلمات واشتاطت غضبآ ....و خر خطوتين ورمقها بنظرة تفصيلية بالبيجامة الضيقة اللي لابستها وغمزلها عرفها تغلي بكلماته الواضحة من ملامح وجها ....تلفت عليها وطلع من الدار *
    <><><>
    هنادي - ها شن صار
    زينة - حسك ماقتيلاش
    ابتسام - لا ماقدرتش
    هنادي - كلبة لانك ...
    زينة - قريب انقوله انا
    ابتسام - بالك مع الوقت انقوله
    زينة - ياسين يتصل تاني .... تلفونه ايبردي ..
    هنادي - ردي وخلاص مش خاسرة شي بالك هالمرة يبيك ...
    *فتحت الخط زينة .... وسمعت حديث بين زوز
    شاب - الليلة ياشباب لازم نخبوا الليلة
    شاب 2 - الليلة صعب راهو
    ياسين - كان يندري علينا الراس يقتلنا كلنا على هالعملة ...
    شهقت زينة وحطت يدها على فمها ... وحست ان خوها متورط ف حاجات مش ليه بكل ...سكرت الخط ومزالت مصدومة
    هنادي - خيرك
    ابتسام - شن فيه ...
    زينة - ا ... اه ولا حاجة غير ... غير سمعت ياسين ايسب ف صاحبه بس
    هنادي - اه فوتي .... تعرفيهم الولاد ديما نازلين ف بعض
    <><><>
    رامي - هذا محمد اللي حكيتلك عليه يالياس .... محمد هذا إلياس
    إلياس - اهلين بيك
    محمد - وبيك اهلين
    *محمد م 85 *
    إلياس - اكيدة حكالك رامي ع طبيعة الشغل
    محمد - اي حكالي كل شي
    إلياس - تمام وانت شن قولك
    محمد - معاكم اكيد من لما حكالي قتله دخلني معاكم
    إلياس - به حلو ... طبعا انزيد انبه عليك مجموعتي سرية ... حط الف خط تحت كلمة سرية ...لا بوك ولا خوك ولا اختك ولا خالك ولا امك ولا صاحبتك ولا خطيبتك تعرف بهالموضوع حتى لو زوجتك ... بمختصر المفيد حتى بينك وبين نفسك ماتدويش ف الموضوع ... تطلع من باب الصالة هادي امسح كل شي ....زي الذاكرة العشوائية لما يتطفى الجهاز وانت اكيد فاهمني..
    محمد - اطمن وكون هاني سري مانعطي فيه لحد ...
    إلياس - تمام ....حكالك ع الفلاش ع انه يتحدد موقعه وهكي
    محمد - اي حكالي وجبت برنامج خاص بيه
    إلياس - تمام
    *فتح الياس الشنطة وطلع الجهاز وحطه عالطاولة وقال - الجهاز هذا شوف كيف ممكن اننا نستفيدوا منه
    محمد - هذا جهاز تنسط منين طحت فيه
    إلياس - خليك من السؤال هذا وشوفه
    محمد - اوك ........... حلوو هذا جهاز يقدر يلقط المكالمات ف حدود 500 متر بس ...
    إلياس - وعلى شركات الاتصال بصفة عامة ... يعني مثلا اننا يرصد المكالمات اللي تحتوي على كلمة خطف او قتل او اغتيال مثلا
    محمد - تقريبا نقدر انطوره حنحاول بكل جهدي...يبي شوي برمجة وان شاء الله نقدر انفيدك
    إلياس - تمام اعتبر الحجرة هادي مكانك علي مش حيضايق من وجودك ...
    محمد - تمام ...حناخد وقت
    إلياس - خووود وقتك انا ناقص نوم وبنرقد اهنا حسني
    علي - عندك فيلة سياحة نياحة وبترقد عالكنبة هادي
    إلياس - بالله معش عندي شي ...
    علي - اها حقا درنا مراة ههههه
    إلياس - 😬
    علي - خلاص ارقد انت توا هدي اعصابك ....
    إلياس - رامي خود قلوس من الدرج وبرا خود لاب توب جديد من المحلات ... بش بنركبوا عليه الفلاش ...
    رامي - تمام به ... هي سلام تو..
    *رقد الياس .... وقعد محمد يخدم عالجهاز .... ... و علي يشتغل ف الصالة ويدرب ف الزباين .... قطعت زينة كل محاضراتها وروحت وفبالها خوها ياسين اللي متورط ... ومعش عرفت هل اتقول ل امها او تسكت ....
    {كيف اندير ياربي ...لو بنقول ل امي اكيدة حيرتفع ضغطها ياسر هداكا اللي مشي وخلانا نزيدها بعمايل هدا ..... بالاضافة الى اني نبيها اتركز على مقابلة عيلة فيصل ... خلي نسكت .. ولما ايجي ياسين تو نهزبه هالحمار هدا... }
    <><><>
    عالساعة 2 ظهرآ ...
    محمد - لياس ...لياس ...
    فاق إلياس مخلوع وقاله - اه شنو مشت اموره الجهاز ؟؟
    محمد - اي باهي اللي جايب هارد ديسك متاعي اللي فيه البرامج .... برامج هكر هكرت شركات الاتصالات ومنها ربطت الجهاز بالهكر هدا وجبت جهاز تاني بنربطه معاهم وببرمجة بسيطة يبدى يلقط المكالمات اللي فيهم خطف زي ماانت تبي
    *بأمانة مش متاكدة منها المعلومة ماحدش يقولي مافيش منها الحاجة هادي انما انا الفتها من راسي*
    إلياس - حلو حلو ....
    محمد - نشغله
    إلياس - علي .... ياعليوووة
    علي - اينعم
    إلياس - تعال شوي
    علي - جاي هي .....ها شنو منو
    إلياس - عندي سؤال الحالة اللي يرصدها الجهاز مسموع والا تطلع كتابة عالشاشة
    محمد - مسموع ... اسمع هي ....
    ~~تي خيرك خايف انتا خلاص خطفناه واللي صار صار ...
    ~~الراجل من كثر التعذيب باين بيريح من بين ايدينا
    ~~اتصل ب اماليه وزيد اضغط عليهم ... انا توا طلعت من طرابلس ماشي مشوار وراجع
    ~~ باهي باهي انقصولهم ف السعر والا لا
    ~~اتنقص راسك خليه كيف ماهوا ... هي سلام
    إلياس - به ماقالوش وين المنطقة مثلا
    محمد - لا ماقالوش ...
    علي - كيف الراي ... الباين اللي خاطفينه ضاربينه لين مقايل ياسر
    إلياس - اعطيني الرقم تره اللي صار منه الاتصال
    محمد - اوك ... سجل اهواه عالشاشة
    إلياس - خلي نجربه ف البرنامج بالك يطلعلي اسمه ....... اهو العنكبوتي
    علي - مش غريب عليا الاسم... ستنى نتصل ب نسيبي يزبطهم
    إلياس - بالك يقولهم انك سئلت عليهم
    علي - لالا علاش بيقول ........اهو نتصل الو ... يامرحبا .... شن الاخبار....والل


    ه ف خيار الخير يسي .... سلمك ... قتلك تزبط عيلة العنكبوتي ....ايه ..شن امورهم ...ايه صحيبي اخته تقدمولها منهم ويبي يسئل عليهم ... ايه وين يسكنوا اللي انت تعرفهم ...به به بارك الله فيك ...... سلامات
    إلياس - ها شنو
    علي - يسكنوا جيهة مستودع الغاز ... وقالي عيلة مش اوي فكك منهم
    إلياس - معناها نتوقع انهم هما .... تمشي تراقب والا نمشي انا
    علي - قبل الاخيرة مشيت انا راقبت
    إلياس - وانا حسن احتمال يتصل ف اي لحظة 😑
    إلياس.علي - رامي ههههه
    إلياس - قلناها مع بعض ...
    رامي - سلام عليكم
    إلياس - جيت ف وقتك ياسموووح😁
    رامي - هههه معليشي عطلت اهو جبت الاب توب
    إلياس - مليح بكل
    رامي - شن اشتغل الجهاز
    محمد - عيب عاد
    إلياس - رامي عندك مراقبة اليوووم
    رامي - هههههه عادي ماعنديش مشكلة ..
    محمد - لقطت حاجة ...
    خالد - سمعنا تره
    ~~ الو ... تبوا *وششش* عماد ... *وششش* فدية سبعين الف *وششش* مقتول ... *وششش* يومين تجمعوا فيهم *وشششش*.... تو نتصل بعد يومين ...
    علي - هذا من نفس الرقم اللي موجود ف طرابلس
    محمد - ايه
    إلياس - خسارة المكالمة مشوشة
    محمد - مش عارف منين ....فيه موجة تشويش ماعرفتش مصدرها ...
    إلياس - امممم معناها اسمه عماد المخطوف ...به تمام حنحاولوا قدر الامكان ننقذوه اليوم
    علي - هذا يعتمد على مراقبة رامي
    رامي - كونوا هانيين
    إلياس - وين هيثم خيره ماجاش لتو
    علي - عنده خدمة تو يجي بعدين
    إلياس - باهي تمام .... وهذا هوا الفلاش ....
    علي - اشبح شن فوسطه

    <><><>
    زينة - الو فيصل
    فيصل - اهلين حبيبي
    زينة - اهلين بيك
    فيصل - خيره صوتك ...شن اماليك ماوافقوش
    زينة - لالا قالت تو نحددوا يوم وتفضلوا
    فيصل - ها به ياحبي
    زينة - راسي مصدع تو ... تو انهدرزوا اوكي
    فيصل - لاباس عليك ...سلامات ....

    <><><><>

    حسن شاد بيرو ويطق بيه عالطاولة
    ضاوي - خير جدك ياراجل صدعتنا بهالبيرو
    حسن - نبي انهد على اللفعة ياضاوي
    ضاوي - فكنا منه تربح نحيها الفكرة من راسك
    حسن - بينصب عليا انا !
    ضاوي - نحيه من بالك وخلينا نركزوا كيف بنطيحوا البراديلوا زي ماوقع بينا مع جماعة الحوتة
    حسن - لقانا احنا والحوتة يد واحدة بيوقع بينا لكن بعيدة ع سنونه ... تو الليلة نتكتكوها مليييح مع السهرية
    ضاوي - لكن لياس جاي
    حسن - عادي منا وفينا
    ضاوي - توثق فيه ياحسن لدرجة انك بتقوله مخططاتك قبل ماتنفذها
    حسن - ليه سنيتن يشتغل تحتي ... هوا و عوني.. برغم عوني طلع مش ثقة من لقطة الشنطة ... لكن الياس حاس انع تريس .
    <><><>
    محمد - اووووبس
    الياس - خيرك
    محمد - البرنامج اللي درته..........
    الياس - خيره ؟؟؟
    <><>

    *تيرررن ... اشعار على الايباد ...
    التقط حسن الايباد وفتح القفل .... ووقف مدهوش وانفتحوا عيونه علاخيررر
    ضاوي - خيرك
    حسن - مصعببببب مصعببببب
    مصعب - نعم نعم
    حسن - وتي السيارات والجماعة كلهم وقواذف الاربي جي بسرررررعة
    مصعب - هي هي ....
    ضاوي - تي شن فيه
    حسن بنبرة انتصار - اللي خنب الشنطة ...طاح ف الفخ وركب الفلاش ....

    يتبع...



    جميع الحقوق محفوظة للمؤلفة لوزة من صفحة روايات لوزة ليبية

    لمتابعة صفحة المؤلفه علي الفيس بوك : من هنا
    ,
    @مرسلة بواسطة
    كاتب ومحرر اخبار اعمل في موقع روايات كوريه متنوعه .

    إرسال تعليق