رواية هموم رجل الفصل الرابع

رواية هموم رجل الفصل الرابع

    رواية هموم رجل الفصل الرابع

    رواية هموم رجل الفصل الرابع



    تهاني ،،،،ابراهيم ابراهيم نوض تلفونك ايشرين 
    ابراهيم،،،،مني 
    تهاني،،،،،هذا احمد خوك رد بالك يبي شي ضروري 
    ابراهيم،،،،،هاتي 
    ابراهيم،،،،ايوا 
    احمد،،،،،ايوا ابراهيم راقد 
    ابراهيم،،،ايه شن في 
    احمد،،،،اتعالا توا ضروري 
    ابراهيم،،،،علاش شن في اتكلم 
    احمد،،،،في مصيبة اتعالا 
    ابراهيم،،،،،تي اتكلم شن في من مات 
    احمد،،،،،ياريته مات بوك يبي يتزوج والحوش مقلوب 
    ابراهيم،،،،،شني يتزوج كيف باهي باهي انا جاي 
    /////ناض ابراهيم بي سرعة البرق غسل وجهه وجي ايبدل 
    تهاني،،،،،ابراهيم شن في ان شاء لله خير 
    ابراهيم،،،،،مش عارف قال بوك بيتزوج ولله ما فهمت حاجة 
    تهاني،،،،،انشاء لله خير نمشي معاك 
    ابراهيم،،،،لالا خليك انتي هي سلام 
    تهاني،،،،سلام 
    /////طلع ابراهيم يجري ووصل الي حوش وبه ومن الجنان يسمع في عيطاتهم كلهم فتح الباب وخش 
    امه،،،،،ابرااااااهييييم وهي تبكي 
    ابراهيم،،،،يما شن في فهموني 
    خالد،،،،،،بوك يبي يتزوج 
    ابراهيم،،،،بجد بوي 
    محمد،،،،،ايه بجد شني حرام اشرع حللي بي اربعة
    خيرية،،،،،اربعة توا وانت شيباني 
    محمد،،،،،سكري فمك انتي مدخلكش 
    خالد،،،،،اسمع تبي تتزوج برا اتزوج وخلي الحوش 
    محمد،،،،،لا انا بنتزوج هنا في الحوش في الدار هاذي امك في الدار هاذي وهي في الثانية 
    ابراهيم،،،،بوي ميجيش هكي تبي تتزوج ممكن لكن هنا في الحوش ولله ما ايجي 
    محمد،،،،،لا ايجي هذا حوشي وانا حر من انجيب فيه 
    خالد،،،،،الحوش هذا انا وابراهيم دافعين نصه 
    محمد،،،،،،والحوش مكتوب بي اسمي انا 
    ابراهيم،،،،،،اسكتوووووووووووووووو اتفاهمو بي الشوية 
    خالد،،،،،،ابراهيم بوي وعمري ما رديت عليه كلمة وطول عمري ماشي في طوعه لكن عقاب عمرنا بيطلعنا من الحوش وبيجيب وحدة برانية فيه 
    محمد،،،،،،سكر فمك خير ما نغضب عليك انا بنجيبها 
    ابراهيم،،،،تي غير فهمني انت بتتزوج ولا اتزوجت ولا شني بي الظبط 
    محمد،،،،،،انا قريت الفاتحة والعرس الاسبوع الجاي
    ابراهيم،،،،،لا حول ولا قوة الا بالله 
    خالد،،،،،ماشاء لله بوك بيدير حتي عرس يا ابراهيم شوف يا احمد سمعت بوك عرس قال 
    محمد،،،،،،تي سكر فمك 
    /////وهنا محمد بيضرب خالد وابراهيم شده 
    ابراهيم،،،،غير صلي ع النبي يا بوي مش هكي بي الهداوة وانت يا خالد اهدأ شوية 
    خالد،،،،،،تي كيف نهدا سمعته شن بيدير ولا 
    محمد،،،،،،اسمعو انا منبيش لا نتفاهم ولا نتناقش يوم الخميس بنجيب العروسة هنا وبعدين بنجيب دار البنوم الجديدة وهي بسلامة توا ،،،،وطلع 
    خالد،،،،،لالا متبيناش نرفعولك قفة ولا نجيبولك نوبة 
    ابراهيم،،،،،خالد اتحشم واسكت 
    خالد،،،،،تي شن نسكت شن عقابها بيجبنا وحدة وين نندري علي اصلها بتهش فينا وبتسكن معانا شيباني اكيد ضاحكة عليه 
    ابراهيم،،،،،لا حول ولا قوة الا بالله يما خلاص اهدئ شوية 
    /////امه منهارة بي البكي 
    امه،،،،،،وليدي قال الخميس بد ما اتحملت معاه باعني ويبي يتزوج ااااااه يا وليدي ااااااه لا وبيخليني معاه مش ايذلني هنا اااااه يا وليدي شن بندير شن نطلق عقاب الوقت ولادي رحالة وانا نطلق ولا نقعد تحت رحمته هوا والجديدة 
    ابراهيم،،،،،ما تقعدي تحت حد يما اتعالي معاي واتعالي عيشي معاي معززوة مكرمة ما يقربك حد ولا حد ايمس كرامتكر
    امه،،،،،اااااه يا وليدي اه 
    خالد،،،،،،لا متطلعيش وعلي جتثي اتخش لي الحوش هذا حوشك يما هوا يطلع وانتي اقعدي 
    امه،،،،،لا وليدي ولله ما نقدر نقعد وهوا بوك تعرف ايجيبها ويسكر راسه وميتحشمش من حد خليني نمشي مع ابراهيم وخلاص اصلا انا معادش نبي انشوف وجهه 
    ابراهيم،،،،،خلاص خالد خليها حتي اتغير جوها الفترة هاذي وبعدين ساهل 
    خالد،،،،،خلاص حتي انا بنطلع 
    امه،،،،،وين بتمشي 
    خالد،،،،،نمشي انأجر ولا نقعد انشوف وجهه هوا ولا هي 
    امه،،،،،لا انتم هذا حوشكم متطلعوش اتجيب منه صغار يأخدوه منكم وانتم دافعين فيه خيرك وليدي متطلعش اقعد في حويشك 
    خالد،،،،،باهي يما كيف بنقعد وانتي مش فيه 
    ابراهيم،،،،،كل بوم اتعالا غادي شوف امك وبات حتي معانا 
    خالد،،،،،،لا حول ولا قوة الا بالله باهي علي راحتكم 
    ابراهيم،،،،هي يما بري وتي حوايجك كلهم وكل حاجزتك جيبيهم باهي
    امه،،،،،باهي وليدي هي 
    خالد،،،،،،اسماااااااء اسماااااااء 
    اسماء،،،،،نعم 
    خالد،،،،،انزلي بسرعة 
    اسماء،،،،،،هي 
    ////قعدت شوية ونزلت 
    اسماء،،،،،نعم خالد 
    خالد،،،،،وتي مع امي حوايجها 
    اسماء،،،،،هي حاضر 
    /////وخشت اسماء اتلم في الحوايج مع عزوزتها وتبكي لان خيرية كانت اتعامل في اسماء زي بنتها واسماء اتحبها 
    ابراهيم،،،،،،ولله ما عارف كيف انا كيف هان عليه ايديرها 
    خالد،،،،،تعرف ولله كنت عارف بي ديرها لان مش غريبة عليه الحركات هاذي شيباني طايش 
    ابراهيم،،،،،خالد اتحشم في الاخير بوك متتكلمش عليه هكي 
    خالد،،،،، بي لله اسكت عليا بيتزوج ويطلعنا واتقولي متتكلمش عليه تي باعنا علي خاطر وحدة قاعد حتي متزوجهاش امالا لما يتزوجها شن بيدير 
    ابراهيم،،،،لله غالب وخلاص شن بنديرو المهم انت متتكلمش قدام امي هي مش ناقصة 
    خالد،،،،،،اووووف انشاء لله ولله درهلي كبدي 
    ابراهيم،،،،،،وين احمد هوا يلي اتصل بيا 
    خالد،،،،تعرفه هذاكا اتصير مشكلة يمنع كان واقف هنا وبعدين اختفي ولله ما يندري عليها وين زارقة 
    ابراهيم ،،،،،،خلي نتصل بيه انشوفه وين 
    طووووط طووووط 
    احمد،،،،،ايوا ابراهيم 
    ابراهيم،،،انا جيت انت وين 
    احمد،،،،ايه ريتك انا في المحل 
    ابراهيم،،،،وخيرك ما جيتش اتعالا نبيك 
    احمد،،،،هي 
    /////شوية وخش 
    احمد،،،،،ايوااا ابراهيم شن في 
    خالد،،،،،ما في شي الامور تمام التمام غير بوك بيجبلنا عروسة بس 
    احمد،،،،،،،باهي شن بنديرله ايجيب عروسة ولا عرايس 
    خالد،،،،،،،تعرف عارف روحي توا بنوض انغيرلك خريطة وجهك 
    احمد،،،،،تي خيرك اتعفلقت عليا شن انا يلي بنتزوج امشي غير خريطة وجه بوك 
    ابراهيم،،،،،احترم نفسك وخوك لما ايكلمك كلمه كويس لانه خوك الكبير 
    خالد،،،،، بي لله يا ابراهيم هذا طالع لي بوه النسخة المصغرة منه 
    احمد،،،،هي اسمعه يا ابراهيم توا هذا شن انرد عليه انا 
    ابراهيم،،،،،متردش عليه وتسمع وتسكت اسمع امك بتمشي معاي هي تمشي حتي انت 
    احمد،،،،،لالا وين بنمشي منقدرش نطلع انا وامي علاش بتمشي معاك علاش متقعدش هنا 
    خالد،،،،،ياااااربي صبرني ميعرفش تي علاش 
    ابراهيم ،،،،،،ماهو بوك بيتزوج اكيد امك مش حتقعد معاه 
    احمد،،،،اوووف منبيش امي اتسيب الحوش واتجي وحدة ثانية 
    خالد،،،،،،الحمد لله قلت كلمة باهية 
    ابراهيم،،،،،،باهي توا انت تتحمل تقعد معاهم هي برا معاي 
    احمد،،،،،،هوا العريس امتي بيدخل 
    خالد،،،،،العريس بيدخل يوم الخميس عرسه 
    احمد،،،،،مااشاااااء لله علي بوي مدايره يوم الخميس وعرس وفاتحة وحلويات عزري ماااشاااء لله 
    ابراهيم،،،،،،انشاء لله ربي يستر في الايام الجاية انا مش خايف غير علي امي بس 
    احمد،،،،،باهي امي وين توا 
    ابراهيم،،،،،في الدار اتوتي في حوايجها 
    احمد،،،،،،،الزفت الاحرف تي علاش هوا يلي مطلعش كيف امي تطلع 
    خالد،،،،،،لينا ساعة نتعاركو عليه الموضوع هذا وانت فلسعت معادش رينا وجهك جيت واتكلمت 
    احمد،،،،،انا منحبش المشتكل والعياط 
    ابراهيم،،،،تي غير قول بتمشي معاي ولا لا 
    احمد،،،،،لالا خليني هنا يوم يلي بيتزوج فيه توا انجيك انبات عندك 
    ابراهيم،،،،باهي براحتك 
    امه،،،،هي وليدي انا واتية 
    ابراهيم،،،،،هي يما هي هاتي عليك 
    اسماء،،،،،،خالد عادي اتخليني نمشي مع الاي الي حوش ابراهيم 
    خالد،،،،،باهي بر يوانا توا العشية انجي انرواح بيك 
    ابراهيم،،،،،خلاص بري بدلي واحنا نستنو فيك 
    اسماء،،،،،باهي هي 
    /////ركبت اسماء الي حوشها وبدلت حوايجها ونزلت 
    ابراهيم،،،،هي يما اركبي الي السيارة انتي واسماء وانت يا احمد وخالد نبيكم 
    ابراهيم،،،،،تعرف احمد جو الصياعة امتع انت ادوح اي الساعة 12 الليل نحيه من راسك لاني بنتصل بيك الساعة عشرة منلقاكش في الحوش انولع وانجيك انغبرلك يومك مااااشي. وانت يا خالد مترقدش لين تتأكد ان الباشا مرواح والمردف يلي اتكلم فيهم فوتهم ماشي انجي نلقاك واقف عليه انوريك وجامعتك كل يوم تمشيلها باهي 
    احمد،،،،انشاء لله ايصير خير 
    ابراهيم،،،،،هي سلام توا بتجي خالد بعدين ولا 
    خالد،،،،ايه بنجي 
    ابراهيم،،،،ماشي نستني فيك 
    ////ركب ابراهيم سيارته وفي الطريق 
    ابراهيم،،،،يما خلاص متبكيش 
    امه،،،،كيف وليدي منبكيش راهو راجلي وعشرت عمر 
    ابراهيم،،،،عارف يما ولله عارف لكن الصراحة مدام هوا هكي ميستاهلش انك تبكي علي 
    امه،،،،،ااااه يا وليدي اه 
    ابراهيم،،،،،خلاص يما بي لله عليك معادش تبكي باهي 
    امه،،،،باهي وليدي باه 
    ابراهيم،،،،،هي وصلنا تفضلو 
    /////نزلو ونزل حاجات امه وفتحلهم الباب واستقبلتهم تهاني وامه كانت طول الوقت وهي ساكتة ومتتكلمش وهما ايهدرزو ويضحكو ويبو ايغيرولها جوها بس هي ولا حياة لمن تنادي جت العشية وجي خالد ومها وقعدو ايطمنو في امهم وايهدرزو عليها وايغيرولها في جوها لين جي الليل وهما روحو وقعدت ابراهيم وتهاني وامه وخشت امه الي دارها وقعدو جنبها لين رقدت 
    ابراهيم،،،،،اااااه يا ربي 
    تهاني،،،،،معليشي ابراهيم مضايقش روحك حتي انت 
    ابراهيم،،،،انا ولله ما مضايق عليه لكن امي واجعتني مسكينة ياما اتحملت معاه وهوا باعها في دقيقة مش معقولة رجالة هكي مش معقولة بعد عشرة العمر هاذي كلها وايدير هكي ااااااه انا غير منبيش انبين قدام امي لكن ولله قلبي مغموووم 
    تهاني،،،،،لا حول ولا قوة الا بالله خلاص انت استريح وارقد اليوم كله وانت تعبان 
    ابراهيم،،،،سامحيني حبيبتي اليوم مهتميتش بيك 
    تهاني،،،،،لا عادي متاخدش في بالك هي نرقدو 
    ابراهيم،،،،،هي 
    ////رقدو الاثنين وفاتو الايام وامه قاعدة مضايقة بس كل يوم احسن من يوم وابراهيم مش مخلي امه دائما ايهدرز عليها وايساير فيها لييين جي يوم الخميس امتع العرس الصبح 
    ////ناض ابراهيم وطول اتصل بي خالد 
    طوووط طوووط 
    خالد،،،،الو ابراهيم كيف الحال 
    ابراهيم،،،،الحمد لله تمام 
    خالد،،،،، باهي الحمد لله 
    ابراهيم،،،،بنقولك اليوم العرس وامك اليوم حتكون نفسيتها صفر فلهاذا انا بنحجز في مطعم وبنتعشو فيه احنا العائلة كلها اقل شي متحسش انها بروحها 
    خالد،،،،باهي كويس فكرة كويسة اصلا اليوم كنا بنجو الي امك بنبشرها 
    ابراهيم،،،،بي شني بتبشرها 
    خالد،،،،اسماء حامل 
    ابراهيم،،،،،اوووو الف مبروك ولله هذا خبر مش عادي اميد امي بتفرح بيه 
    خالد،،،،الله يبارك فيك العقبة ليك 
    ابراهيم،،،،انشاء لله ياااارب 
    خالد،،،،،خلاص اوكي قولي انت في اي مطعم وانا انجي انا واسماء واحمد
    ابراهيم،،،،باهي خلاص خلي انكلم مها وخليل امالا وانت جيب احمد باهي واتصل بيه من توا وقوله
    خليل،،،،،باهي حاضر 
    ////سكر ابراهيم من خالد واتصل بي هليل 
    طووووط طووووط
    خليل،،،،صبح يا فتاح شن تبي 
    ابراهيم،،،،،،مع انك متستاهلش لكن مطر الصراحة اني انكلمك 
    خليل،،،،،،قول هي بسرعة بنرقد
    ابراهيم،،،مصح وجهك نوض ياسرك نوم 
    خليل،،،،،باهي هاني نضت قول شن تبي هي 
    ابراهيم،،،،اليوم بوي بيتزوج وامي حالتها النفسية انت تعرفها فلهاذا انا اليوم بندير عزومة ونبيك اتجي انت ومها مش امي اتغير جوها ومتحسش نفسها بروحها 
    خليل،،،،،لا حول ولا قوة الا بالله باهي حاضر توا انجو وين في حوشك 
    ابراهيم،،،،،لالا مش في حوشي ني انغير الوضع بنشوف واحد من المطاعم ونحجز وانقولك باهي 
    خليل،،،،،باهي حتي احنا عندنا مفاجئة 
    ابراهيم،،،، ما شاء لله اليوم العالمي الي المفاجأة شن عندك 
    خليل،،،،،مها حامل 
    ابراهيم،،،،،اوووووووو مبروك مبروك وحتي خالد قال مرته حامل ماشاء لله باهي الف الف مبروك 
    خليل،،،،،لله يبارك فيك العقبة ليك انشا لله 
    ابراهيم،،،،،،ااااامين 
    خليل،،،،،باهي تبي حاجة انساعدك فيها 
    ابراهيم،،،،لالا صحيت كل شي تمام نحجز ونبعتلم رسالة باهي 
    خليل،،،،،ماشي باه
    ////سكرت منهم وناض ابراهيم دار الدوش متاعه وتهاني طبعا راقدة وخش صلي طلع لقي امه في المطبخ 
    ابراهيم،،،،،صباح الخير يا غالية
    امه،،،،صباح النور هي اتعالا افطر 
    ابراهيم،،،،يما علاش متعبة روحك 
    امه،،،،وليدي لا تعب ولا شي طول عمري انوض الوقت هذا وانديرلكم في فطوركم 
    ابراهيم،،،،باهي يا ودي صحيتي خلي انغير وانجي نفطر باهي 
    امه،،،،،باهي 
    ////خش ابراهيم غير حوايجه وطلع فطر مع امه وقعد ايهدرز عليها وبعدين اطلع مشي الي عمله 
    /////كلم السكرتيرة تحجزله في مطعم واختار مطعم علي البحر وبعت رسالة الي خليل وخالد واكدلهم وقتللهم مكان المطعم تم دوامه وهوا مرواح خطم شري ورد ورواح 
    ابراهيم،،،،،السلام عليكم 
    امه وتهاني ،،،،،وعليكم السلام ورحمة لله وباركته 
    ابراهيم،،،،،هاذي احلا باقة ورد لي امي الغالية تفضلي 
    امه،،،،،لله محلاها صحيت 
    ابراهيم،،،،،وهاااذي احلا باقة ورد الي زوجتي الغالية 
    تهاني،،،،لله محلاها صحيت 
    ابراهيم،،،،،،سلمكم انتم الاثنين احلا وردات في حياتي 
    امه،،،،ههههه يوخيتي يوخيتي الكلام هذا غير وين لاقيه 
    ابراهيم،،،،،ههههههه تهاني علمتهولي 
    تهاني،،،،،هههههههه اتحشم 
    امه،،،،،ههههههههههه
    ابراهيم،،،،،،شني الغدي واتي 
    امه،،،،ايه وليدي واتي خش غير خلي انوتو ونحطو هي 
    ابراهيم،،،،،باهي هي 
    ////خش غير وطلع واتغدو وهدرزو والشغالة غسلت الماعيم وهما قعمزو علي الفواكه 
    ابراهيم،،،،،اليوم بنتعشو برا باهي وتي روحك يا امي وتهاني
    تهاني،،،،،ياسلام خبر حلو 
    امه،،،،،باهي حاضر 
    ابراهيم،،،،،خلاص امالا خلي انخش نرقد شوية لان راسي بيتفجر
    ////خش ابراهيم رقد وجت اساعة سبعة تهاني وامه جهزو نفسهم وناض ابراهيم لبس وطلعو وصلو الي المطعم وامه اتفأجأة لما لقت خالد واسماء واحمد ومها وخليل في المطعم وقعدت تبكي وهما ايهدؤ فيها وبعدين طلبو ايهدرزو ويضحكو لين مها جت قعمزت جنب امها وقالتلها انها حامل وخيرية فرحت هللللبة بي الخبر وبعدين جتها اسماء وقالت حتي هي حامل واتغيرت زموع الفرح الي دموع الفرح وكانت طول العشاء والتهدريز واللمة 
    ////وفعلا ابراهيم قدر ايحسس امه ان تقدر اتعيش من غير بوه وان مش ضروري اتزعل نفسها علي خاطره 
    ////كملو العشاء وطلبو بعدها قهوة وشربوها وبعدين طلعو بي السيارات ومشو الي فيراند خدو جيلاطي وكملو سهرتهم مع الساعة 12 
    ////هذاكة الوقت كان محمد مرواح بي عروسته وخالد طول العشاء ايفكر كيف ايرواح وبيلقي وحدة غير امه في الحوش 
    ابراهيم،،،،،خالد اليوم رواح معاي وبات معاي باهي 
    خالد،،،،،لالا علاش بنرواح حوشي 
    ابراهيم،،،،تي غير يا خالد رواح معاي توا بتشوفه هذاكا وهي وبتتنكد غير اليوم رواح معاي وبعدين غدوة جمعة منبوش اللمة تتحول منبيش امي اتحس ان في شي اتغير 
    خالد،،،،،باهي خلاص ماشي 
    خليل،،،،شن اتوشوشو انتم الاثنين
    ابراهيم،،،،،شن رايكم اليوم تباتو عندي 
    احمد،،،،،ااا
    ابرهيم،،،،،اسسسسس انت الكلام مش عليك انت بتبات تبي ولا متبيش انا انكلم في خليل ومها لان اسماء وخالد بيباتو عندنا 
    خليل،،،،،لا برهوم ولله ما نقدر لازم انرواح 
    ابراهيم،،،،،وعلاش 
    خليل،،،،،،تعرفني منرقدش الا في حوشي منستريحش 
    ابراهيم،،،،لا معليشي اليوم بات برا حوشك مفيها شي وبعدين شريت بلايستيشن جديد من الاخير وغدوة جمعة 
    مها،،،،،،هي خليل بي لله عليك خلي انباتو معاهم اليوم كلهم بي باتو 
    ابراهيم،،،،،تي غير قول باهي يا راجل وانت تتجاعد 
    خليل،،،،،،نتجاعد انحب هكي انا 
    كلهم،،،،،ههههههههههههههههههه
    خليل،،،،،،اسمع بترواح معايي تبي ولا لا وكان سبلتك علي الحوايج والسواري امتع الجمعة عندي هلبة باهي 
    خليل،،،،،ماشي خلاص باهي 
    ابراهيم،،،،،باهي هي نوضو خلي انلحقو نلعبو كورة 
    خالد وخليل،،،،هي 
    ////ناضو كلهم وروحو ووصلو الي الحوش ولعبو كورة ولعبو بلايستيشن والبنات وامهم ايشجعو وقعدو ساهرين وجي يوم الجمعة مع الللمة العائلة كان يوم حلووو وخيرية قدرت تتجاوز حزنها لان صغارها قدرو اينسوها جزء من الحزن 
    ////جي الليل وكلهم روحو وخالد رواح بس محاولش انه ايخش الي الحوش اللوطي لان ميبيش ايشوف وجها 
    /////اما امه كانت قاعدة في حوش ابراهيم وامورها تمام الي حد ما جي يوم بعد شهر 
    بعد شهر
    ،،،،،،،،،،،،،،،،،،،،،،،،،،،،،،،،،،،،،، ويتبع 
    ،،،،حلا،،،،

    يتبع...

    جميع الحقوق محفوظة للمؤلفة حلا 

    لمتابعة صفحة المؤلفة علي الفيس بوك : من هنا
    ,
    @مرسلة بواسطة
    كاتب ومحرر اخبار اعمل في موقع روايات كوريه متنوعه .

    إرسال تعليق