رواية مهمات سرية الفصل ال14 الجزء الاول

رواية مهمات سرية الفصل ال14 الجزء الاول

    رواية مهمات سرية الفصل ال14 الجزء الاول


    رواية مهمات سرية الفصل ال14 الجزء الاول


    رواية باللهجة الليبية



    رواية من روايات صفحة روايات لوزة ليبية

    هيا بنا لقراءة الفصل معاً

    ضاوي - اصبر الا ماتخش لزنقة ..

    *ظل وراها ضاوي وحسن الى ان خشت لزنقة وبتمشي للمحل .... نزل ضاوي وحسن وقفوا قدامها وبسلاحاتهم

    ابتسام - ش ش شنو فيه

    ضاوي - سلامتك ياعسل

    *شدها من يدها صيحت ابتسام .... ضربها حسن ع راسها ادروخت وحطوها ف السيارة من الخلف وركبوا وسكروا البيبان وهربوا بيها


    <><><>


    علي - ياسر من التبكبيك

    رامي - مقهور ياعلي مش قادر حتى نشوف ف وجه البوس ... حاسه متكنطي مني لين قريب ياكلني

    علي - طول عمري نقول عليك نبيه لكن ياودي انكان البوس انشد او صارتله حاجة ماتلوم الا نفسك هذا صاحبي الوحيد تعرف شن معنى الوحيد يعني من كنا ف الثانوي واحنا صحاب شوف كم سنة

    رامي يبكي - عارف والله عارف ماتزيدنيش على مابيا ... والله قريب ناخد سلاح ونقتل روحي وانفكم ونفتك ..حسبي الله ونعم الوكيل فيك ياابتسام

    علي - تو شن دخل ابتسام

    رامي - كانت مهونة عليا همي لكن باعتني بولد خالتها


    <><><>


    مي - يمة ..... عيشةةة ... اعويشة ... وين مشت هادي ؟؟ يماااا .... زعما ف الحمام ! تره .... الحمام فاضي ! هكي تطلع وتخليني ...

    {زعما لياس طلع ... اكيد طلع مايقعدش لهلوقت ساعة 12 .. ملل رهيب ياربي كسااااد ... خلي انطيب نشغل وقتي ... زعما شن نطيب ندير مكرونة مسقية عالسريع وخلاص }


    <><><>


    الياس - كيف الراي ياعلي ... مش قادر نبطل تفكير ف الاب توب

    علي - ان شاء الله مافيه شي

    الياس - دسه عندك هالبلوة رامي ماتخليشي يطلع بكل حتى لو اطريت انك تحبسه

    علي - اطمن كون هاني .. كيف حال عروستك

    الياس - ماعندي عرايس ... والباين قريب تربط اني مش سفاح

    علي - كيف صار

    الياس - ماتوقعتهاش ذكية واتفكر ... امس قعدت تحط ف الكلام ورا بعضه لين سكتت وتوصلت لنتيجة ان انا مش قاتل ... قعدت اتقولي انت منو واعطيني اجابة

    علي - اووف توها بالكلام

    الياس - وهذا اللي درته ....


    <><><>

    ضاوي - محلاها اول مرة ننفتن ببنت هكي

    حسن - هههههه حب من اول نظرة

    ضاوي - ايه خليها تو اتفيق قبل وبعدين نسئلها

    حسن - به .... تعرف خايف من الروس ياضاوي

    ضاوي - عالشنطة او

    حسن - ايه ..

    ضاوي - تو نلقوها يابرادر اطمن

    حسن - ان شاء الله


    {انا وين ... حيه عليا حيه خطفوني نهاري اسود ... نهار احرف كيف اندير }

    ابتسام تخبط عالباب - طلعوووني من اهناااا حرام عليييييكم


    ضاوي - اهلااا اهي فاقت العسولة

    حسن - خلينا حاجة اه هههههه

    ضاوي - ههه 😈😈😈

    <><>>>


    عيشة - الو ... لياس

    الياس - نعم

    عيشة - انا روحت كان انت داخل افتحلي

    الياس - مازال شوي ... ديري دورة ف المحلات مابين جيت ... مش معطل ... اوك سلام

    علي - قاعد ع اعصابي ياراجل

    الياس - زعما نمشيله الكابو

    علي - حيشك فيك ضاوي ...

    الياس - والله ماعارف كيف بنتصرف ..... الكابو يتصل ... الو

    حسن - تعال هنقر نبي نبعتك

    الياس - لوين

    حسن - تعال هي نستنى فيك

    الياس - اوك ف طريقي ليك ..

    علي - ها شنو منو

    الياس - يستر الله قالي نبيك ... خلي نمخطم ع عيشة نفتحلها الباب و نمشيله

    علي - رد بالد ع روحك ...

    الياس - ان شاء الله خير


    *طلع الياس على طول ومشي للفيلا فتح الباب لعيشة خشت وسكر الباب وماشي ف طريقه ل حسن*


    مي - وينك اللطف لتو

    عيشة - كنت ف المصرف ياكبدي زحام ودحام وك عليا رجليا قريب طاحو

    مي - تو والنبي هالمعاش اللي مشحطة روحك عليه اللي يسمع ايقول هالمالية وهما يادوب 150 ينزلوا كل شهر ..

    عيشة - اهو خير من بلاش ... زودي خديتلك بيجمات قنينات

    مي - ان شاء الله مش مشحطات

    عيشة - لالا ستان قنينات

    مي - لاش مكلفة ع روحك غاليات هادو

    عيشة - معليشي خير ماراجلك ايشوف لغيرك ونقعد حاصلة

    مي - خلي ايشوف مايهمنيش اصلا

    عيشة - ئه 😳

    مي - ايه ايه مايهمنيش انا فاعدة انحب مهند وانتي تعرفي هالدوة

    عيشة - تاعدة نحب موهند هه مهند ياماما ماعمره شافلك شن الفايدة انتي تبيه وهوا مايبيكش

    مي - معليشي حتى من طرف واحد المهم نحبه

    عيشة - اححح جيبلي طاسة امية جيبي بلا هالدوة الفارغة

    مي - باهي ........ هاك اه

    عيشة - هاتي ..... اححح نسوينات ف المصرف ايهدرزوا على المخطوفين

    مي - مخطوفين شنو

    عيشة - على الخطف اللي ف البلاد ... امس قالو واحد مخطوف قداش ليه جت فرقة انقضاته

    مي - كيف انقضاته ؟؟

    عيشة - فكوا اسره يعني

    مي - اه انقذاته قصدك به كملي

    عيشة - ايه يشكروا فيهم قالوا مشاء الله كويسين كل ماتصير حالة خطف يجوا هالشبيبا فجأة وينقضوهم

    مي - غريبة عندنا حاجات هكي احنا

    عيشة - اهو طلع عندنا ...

    مي - به خيرنا مامسعناش عليهم ف الراديو والا نشرات

    عيشة - كان بيطلعوا للعامة حيجوا وراهم ويقتلوهم خليهم هكي مدرقين خير

    مي - امممم باهي خلي نشوف الطنجرة

    عيشة - ئه عجب وخلاص طيبتي

    مي - ايه كسدت ... درت مكرونة مسقية

    عيشة - مالقيتي مااطيبي

    مي - علاش

    عيشة - لياس مايحبهاش

    مي - ماخصنيش فيه ...

    *وقفت مي عالطنجرة اتحرك فيها واتفكر في الفرقة

    {معقولة عندنا فرق هكي ... الله ياريتني شاب ونشتغل معاهم زي الاجانب....به علاش ماجوش انقذوني اهو الياس خاطفني ... بس مش قاتل زي مااستنتجت امس لو قاتل راهو قتلني ... به اذا كان قاتل علاش بيستخدم بخاخ الاغماء ؟ الا اذا كانت مهام س س سرية قصدك لياس معاهم 😳 زعما حتى هوا من هالفرقة نهار اكحل راسي بدي يرفع ويجيب ...تصرفاته هكي ادل ... خصوصا كلامه وقت قال ف عز شغلي نبدى نفكر فيك ... خايف من انهم يوصلولك ... غبارة ... غير ايجي بس حناخد منه تفسيرات .. }


    ابتسام - خليني بالله عليك

    ضاوي - شن اسمك ياحلوة

    ابتسام - اببببتسام

    ضاوي - هاك افتحي قفل تلفونك ...

    ونحيه القفل...هياااا

    ابتسام - اوك اوك ....

    ضاوي - اسمك حلو زي عيونك الحلوة

    *خدي التلفون منها ومده لحسن ورجع لدار مع ابتسام*


    ابتسام - بالله عليك خليني نمشي

    ضاوي - نسألك وبعدين نخليك

    ابتسام - شن تبي تعرف

    ضاوي - لاب توب هذا متع مني

    ابتسام - وين نندري مانعرفش

    ضاوي - ركزي

    ابتسام - والله مانعرف

    ضاوي - تتسهوكي انتي

    ابتسام - مش متاعي والله مانعرف

    ضاوي - صورتك فوسطه

    ابتسام - وحق ربي مانعرف

    ضاوي - اتكلمي خيرلك راهو

    ابتسام - حرام عليك والله مانعرف على شنو تتكلم


    <><><>


    الياس - شنو منو يالكابو توا قلتولي خود باقي اليوم اجازة

    حسن - قعمز قعمز ...

    الياس - وهادي تقعميزة ....

    حسن - فيه صفقة مولدات بتوصل ونبي نخنبها

    الياس - غير لاش الخنبة وصي على صفقة وتم

    حسن - لااالا هذا خنب مني صفقة العام اللي فات وتوا بنردهاله

    الياس - اخ به به شن صار ف الاب يالكابو

    حسن - اي ذكرتني ... تره خلي نشوف التلفون .. - بابا ... ماما ... رهوفة ... عسولة ... فروحة ... تامي ... ندوش... سنسن ... هنودة ...زنزون .... LS شن معناه هذا ...

    الياس - مش عارف ... شن رقم هوا؟

    حسن - ايه **09131212

    (هذا رقمي التاني غبارة كيف عرفه وووووه وووه شن هالهم كيف عرف رقمي متع الفرقة كيييييف )

    الياس - تره نشوفه حنطلع منه حاجات مخفية

    حسن - هاك اه ..........والا نقولك هات هات تو ضاوي يدير فيا حالة .

    الياس - هاك اه وقولي شن صار ف الاب


    <><><>


    ضاوي - صورتك فوسط الاب ياكلبة معش تكدبي .... شوفي هاه

    *شافت ابتسام للاب واذكرت طول ان الصورة هادي واخدهالها رامي

    ضاوي - هاه فتحت عيونك هادي وراها حاجة هيا منو صاحب الاب توب ياعسل ...

    *وشدلها خصلات شعرها وشمهم بكل مااوتي من قوة ... بعدت ابتسام وعاود سئلها ضاوي - منووو قتلك

    ابتسام - ر ر رامي







    ضاوي - هكي احلو الجو ... رامي منو ياحلوة

    ابتسام - ممانعرفش

    ضاوي - اتكلمي خير ما ....

    خافت ابتسام وجاوباته - رامي الماليا

    ضاوي - السكن ؟

    ابتسام - في حي المكسرات ...

    ضاوي - حلوو ... تعجبيني

    <><><>


    حسن - لقينا فيه صورة بنت

    *غمض عيونه الياس وسكر قبضة يده وابتسم بش معش يشك فيه حسن وقال - يس واخيرا طرف خيط ووينها توا

    حسن - اهو يستجوب فيها ضاوي .

    الياس - قصدكم جبتوها اهنا

    حسن - يس

    *اتقدم منها ضاوي وابتسام اتصيح لالالالا ... موقف متكرر ولكن كل موقف يعتمد على نوعية الشخص...

    نحى السبتة ضاوي من خسره وابتسام تبكي واتصيح خايفة منه و😈😣😭😭😪 فهمكم كفاية 😈 *


    وبمجرد سمع الياس صوت البنت وقف وبيخش لدار اللي وراء كرسي حسن ... سمع الياس تشك تشك ...

    صوت سحبة سلاح ... تلفت لقي حسن مصوب عليه السلاح

    الياس اتعلفق ومعش تمالك اعصابه فاكشخ ع حسن - تسحب عليا يالكابو

    حسن يأشرله بسلاحه - ارجع مكانك هنقر .... ارجععع

    اضايق الياس ويسمع ف صياح البنت قلبه اتمزق ومعش عرف كيف يتصرف مرة يشوف لسلاح الكابو ومرة يشوف للباب ....

    حسن - ارجععععععع

    رجع الياس وقعمز وهوا قارن حواجبه ومتعفلق

    حسن - عارف لو خشيت على ضاوي توا شن حيديرلك ..اه... حيقتلك ياهنقر .. وانا مانبيكش اتموت .. مزال فيه هلبا مهام بنديروها

    الياس - 😒

    حسن - خصوصا مهمة غدوة ... مهمة سرية للمليون

    الياس - مهمة شنو

    حسن - غدوة انقولك المهم خلينا ف موضوعنا ... الصفقة حتوصل اليوم عالساعة 9 ف الليل ... اطلع انت ومصعب والجماعة وبروا

    الياس - اوك اوك خلي نمشي تو

    حسن - بالك تبي حصة ف البنت

    الياس اشمقز من كلامه وقاله - لا


    *وطلع من الباب ودعس لسيارته

    اتصل ب علي - علي وتوا رواحكم

    علي - شن فيه

    الياس - حاجة خطيرة بكل ... انا جايكم توا

    علي - اوك


    <><>





    حسن - ها شنو ياشبح من بكري نسمع ف صياحات ههههه

    ضاوي - البنت اطلع طووول😈 لعبت بيها لعبة الصح 😈😈😈

    حسن - خلينا من البنت ... وخلينا ف المعلومات

    ضاوي - صاحب الاب اسمه رامي الماليا ... ويسكن ف حي المكسرات

    حسن - حلوو ... واخيرا بنحصل عالشنطة.... خلي نكلم لياس يمشي يدهم

    ضاوي - برا معاه ياكابو ... ماتخليشي بروحه

    حسن - اوك اهو بنكلمه ...... ايواه هنقر .... اكيدة مابعدتش من اهنا ارجع نبيك

    الياس - ف طريقي ليك .... $@#/& شن يبي هذا اف منه .... ايواه علي .... ماصارش من جيتي ليك ... المهم لقوا صورة ف لاب توب رامي اتخص صاحبته

    علي - بالله عليك ... شن الحل نمشوا انبهوها ؟؟؟

    الياس - خلاص خطفوها وعندنا ف المقر

    علي - غبارة وخلاص

    الياس - كلم هيثم يشوف حد ثقة ويجيبه معاه ....

    علي - علاش

    الياس - ادهموا علينا ف المقر ...

    علي - كيف هكي وانت معاهم بنطروا نسلمكم للكتيبة هكي

    الياس - خلاص البسوا الزي الازرق ... مش زي الفرقة متعنا ... المهم اطلعوا البنت ياعلي ... كان ليل الليل حيتلاقوا عليها اكثر من نفر ..

    علي - اوك اوك حنتصرف

    الياس - نعتمد عليك ياصاحبي...

    علي - كون هاني برادر ...


    <><><>

    رامي - شن فيه

    علي - رامي نوض من قدام وجهي خير مانعجنك طريحة لا صارت ولا استوت

    رامي - علاش

    علي - قعدنا من مصيبة لمصيبة ف جرايرك

    هيثم - شن صار ..

    علي - لقوا صورة ف لابك

    رامي - صورة شنو 😳

    علي - صورة صاحبتك ياغزيل

    رامي - لاااااااااا ابتسام .... ابتساااااام

    شده هيثم وقاله - وسع بالك ياارجل

    رامي - انا السبب ... انا السبب في اللي صار ل ابتسام

    علي - اسكت خلي نديروا راي

    عندك صاحب ثقة يهد معانا هيثم

    هيثم - اي عندي ...

    علي - كلمهونا وقوله ايجي

    هيثم - اوك

    علي - بنوتوا روحنا ونهدوا

    هيثم - والياس

    علي - الياس غادي

    هيثم - نهدوا عليه معناها بنتصلوا بالكتيبة و الياس بينشد

    علي - قال بدلوا الزي متعكم ... وادهموا

    هيثم - هي تو نكلم صاحبي ايجي


    <><><>


    الياس - اها كابو شن فيه جديد

    حسن - عرفنا من صاحب الاب توب

    جمد الياس ف مكانه وبكل توتر قال - منو طلع ؟؟؟؟؟

    حسن - رامي ... رامي الماليا ...

    (غببببببااااااارة ف شكاااااارة اخيييه عالوقت وخلاص )

    الياس - وشن بدير تو

    حسن - اهو حسه جي مصعب ... بنمشي ندهم عليه ف حوشه

    الياس - اوكي تبيني نمشي معاك

    حسن - اكيدة امالا شنو

    الياس - اوك هي ...


    *طلع حسن ووراه الياس وكلهم ركبوا ف سياراتهم ... بعت مسج ل علي ~ اغلب الجماعة طلعوا معاي ...المقر مافيشي الا ضاوي واربعة نفار ... حاول فيسع انك تدهم قبل مااحنا نرجعوا

    علي ~ اوكي تم برو

    الياس ~ امسح الرسايل

    علي ~ تم Boss


    <><><>


    {اول مرة نستنى لياس هكي ... هيا روح يالياس ف راسي مئة سؤال نبي اجابة منك ... هيا روووح}


    <><><>





    *وصلوا الياس وجماعته لحوش رامي .... وهدوا والياس يدعي ان هيثم قام كل شي

    (يارب ... ان شاء الله هيثم قام كل شي يارب ... استر يارب )

    * هدوا الشقة وخشوا وانتشروا فيها و يدوروا


    مصعب - شوف شن لقيت يالافندي

    تلفت الياس بسرعة خوفآ من انه لقي شئ ما ايدل على رامي ...

    تلفت حسن وقاله - هذا شنو

    مصعب - صورته وهوا صغير

    حسن - تي شن نبي فيها صورته وهوا صغير ...

    الياس - مالقيت شي

    حسن - شفت الدواليب

    الياس - مالقيت فيهم غير حوايج متعه

    حسن - وراك وراك ياولد الماليا لين نلقاك .... اجمع انت وياه 👏👏


    *طلع حسن وجماعته قدام باب الحوش .... وقف وحاط يديه ف خسره ويشوف يمين يسار ...

    حسن ل الياس - الا مايكون فيه حل ياهنقر .... حنسئل الجيران تره

    الياس - اوك

    وقف على شاب وقاله - بالله ياشبيب ...

    شاب - انعم

    حسن - وينه صاحب الاستوديو هدا ؟

    شاب - والله ليه مدة ماجاش الحق

    حسن - ماعنداش معارف صحاب ايجوه

    شاب - الحق ماعمريش ريته مع حد انطوائي مايحبش الخلط

    حسن - باهي مشكور خونا

    (الحمدلله ياربي الحمدلله)


    مصعب - شوف يالافندي ... فيه كميرا فوق المحل اللي قبالة الشقة بلكي مصورين حاجة

    حسن - صحة ليك اكيدة عنده تسجيلات .... وبهكي

    مصعب - نقدروا نعرفوا شكله

    حسن - اوك ... مصعب برا لشركة الديار وقولهم يطلعوا رقم هذا متع منو قولهم من طرف الكابو وتو يخلوك اتخش

    مصعب - اوك

    (نهار احرف حتى الرقم بيطلعوه من الشركة )


    حسن - زود معاي هنقر للمحل والباقي خليكم قدام المحل

    الياس - اوكي ..

    (استر يارب استر .... هيثم حتى هوا جي اهنا وخش لحوش رامي ... يعني حتى هوا بيمشي ف القص لا حول والاقوة الا بالله )

    حسن - هنقر زود ياراجل وين سارح

    الياس - معاك يالكابو


    *خشوا الكابو والهنقر للمحل ..

    وفي نفس اللحظة هد علي وهيثم على ضاوي في المقر




    شن بيصير وهل من خلال الكميرا حيعرفوا هيثم ... هيثم اللي المتواجد في عقر مقر الكابو ... اي انه لو عرفه ورجع حسن فجأة للمقر

    مع جماعته حيقدر يتغلب ع علي واللي معاه ..وطاحوا الكل ف المصيدة والرقم ماتنسوش الرقم هههه


    يتبع 👊

    جميع الحقوق محفوظة للمؤلفة لوزة ليبية من صفحة روايات لوزة ليبية 

    لمتابعة صفحة المؤلفة علي الفيس بوك : من هنا
    ,
    @مرسلة بواسطة
    كاتب ومحرر اخبار اعمل في موقع روايات كوريه متنوعه .

    إرسال تعليق